دانش تحریر
سیلینمیش ایزلر
تاریخ انتشار: پنجشنبه ۱۳ شهریور ۱۳۹۳ | ۱۶:۰۲ ب٫ظ | تعداد بازدید: 694

تخمینا ۵۰ ایل بوندان قاباق هله موغانین تاریخی وحشی چوللری الکتریک میکانیک دمیری تانیمیردی .اطراف مئشه دن گلیب آرازگوزوندن سوایچیب آغاجلارکولگヌسینده مئه له نن دونوز، چاققال ،توراج ،قارتال ،چؤل پیشیگی،قاراباتداق وقیزیل شلاله سینه بنزه ین جئیران سネروسو هله تراکتور لارین قولاق اپاران سسینی ، سم سپن طیاره لرین نعره سینی اشیتمه میشلر.خوروزلی ماحالیندا سرت دوران آغ داغ اتک لریندن سوزو لرک آجی اشمه نی کئچیب قوچ قیشلاغینا انن جئیران سوروسو خوصوصیله بو های کوی دن کناریدی.

ایند ی کی قند کار خاناسی یئرلشن تپه یه یئل آتان دئیردیلر.واخت اولوردو جئیران لار داهی شاعیرصمد وورغون دئمیشکن :” یئردن آیاغینی قوش کیمی اوزوب،یای کیمی دارتینیب اوخکیمی سوزوب،یئنه ئوز سورونو نظاملا دوزوب”گؤیچک آرازدان سو ایچمک چون یئل آتان دانآشیردیلار…. گؤره نلر موغان جئیرانین بئله تعریف له ییرلر:بوینوزو گوده ،قارنینین آلتی چنه سیندن قویروغونا قده ر آغ و کوره یی بوزا ماییل،گوزلری ایسه ایری اولورمیش.

دئییلنه گوره موغان دا جئیران لارین اساس اوتلاغی و اوتراغی آجی اشمه دن اوسته آغ داغین یاماج لاری اولورموش.اونلار آنجاق اورادا قوراق لیق اولارکن سوسوزلوقدان آرازا دؤنرمیشلر.ایند ی کی پارس آباد شهرینده مرکزی پاسگاه دان آغ مازاراجاق خوصوصیله مرکزی مخابراتین قاباغیندا کئچیدلر وارمیش کی اونلارا جئیران سوواتی دئیرمیش لر.

جئیران لار،خلوت اولدوغوندان بورالاری اؤزلرینه یول کیمی سئچرلرمیش. “پیشرفت”یا همان ایره لیله ییش بیر گرچک اولای کیمی دانیلمازدیر ،آمما پارس آباد و اونون اطرافی مکانیزه اکینه اوز گتیره ن کیمی تاسوف کی دیل سیز جئیران لارین پایی بو تورپاغین اوزه رینده ،هئچ واخت کیمسه طرفیندننظرده توتولمادی ،هئニبیراراده اونلارین حیاتینین داوامینا حق وئرمه دی .

بو سبب دن ده رویه سیز اوو ،سم،سس و باشقا حمله لرآرازین بو تاییندا جئیران لارین حیاتینا سون قویدیلار.اونلار یا اوولاندیلار یادا کی آرازین او بیری تایینا اوز توتدولار . دئییلنه گؤره آزی ۱۳۴۰- جی ایلدن بو یانا داها موغان دا بیردنه ده اولسون جئیران گؤرونمه دی . بو دهشتلی دیر،بعضا سوروسو ۵۰۰ باشا چاتان جئیران لارین وحشی حیاتی بو جورغریب جه سینه سونا یئتمیش دیر…۱۳۸۴ایلک باهار.

آخشام کولک لری ایلیق- ایلیق اسیر آیاغیم الوان چیچک لره و اوتلارا دولاشا-دولاشا یئل آتان تپه جیک لرینی آشیرام ،اونلاردان او چؤل قیزلاریندان هئچ بیر ایزیوخدور ایندی اونلار یالنیز بو تپه جیک لرین خاطیره سینده یاشاییرلار!

ارسطو مجردی

آمار وبسایت
کاربران آنلاین : 0
بازدید امروز : 66
بازدید دیروز : 510
کل بازدیدها : 3652106
:تاریخ بروز رسانی
تیر ۴, ۱۳۹۶