دانش تحریر
یالانچی چوبان
تاریخ انتشار: پنجشنبه ۱۳ شهریور ۱۳۹۳ | ۱۵:۵۴ ب٫ظ | تعداد بازدید: 662

سحر- سحر بیر چوبان‌

داغا دیرماشماق‌ همان

اَلین‌ قویوب‌ قولاغا

چیغیراردی‌ اوجادان‌

ـ قورد آپاردی‌ قویونو

تئز گلین‌ آی‌ جاماعات‌!

قویمایین‌ هَده‌ر اولسون‌

یازیقدیر بو حیوانات‌!

الَه‌ آغاجی‌ گَلن‌

اوز قویاردیلار داغا،

اونلاری‌ گؤره‌ن‌ چوبان‌

باشلایاردی‌ گولماغا،

ـ اَده‌ هارا گلیرسیز؟

من‌ ظارافات‌ ائدیردیم‌

بیر تولکویموش‌ گؤردویوم‌

من‌ اؤزومو ایتیردیم‌.

هر گون‌ یالانچی‌ چوبان‌

اوتارارکن‌ قویونو

کندلی‌لرین‌ باشینا

آچاردی‌ بو اویونو.

بیر گون‌ یالانچی‌ چوبان‌

سحر داغا دیرماشᆵی‌،

قویونلار قاباغیندا

اوکنددن‌ اوزاقلاشدی‌،

نئچه‌ جاناوار بیردن‌

دیرماشدیلار دره‌دن‌،

چوبان‌ چیغیردی‌ هارای‌ !

آی‌ جاماعات‌ گلین‌ های‌!

هر کس‌ ائشیتدی‌ سسین‌

سؤیدو اونون‌ دده‌سین‌

ـ فیلان‌، فیلان‌ گؤره‌سن‌

یئنه‌ نه‌ قورقو قوروب‌،

قارا قویون‌ سوتوندن‌

یئییب‌ چؤلده‌ قودوروب‌.

بیر نفرده‌ گلمه‌دی‌

چوبانین‌ کؤمه‌گینه‌،

چوبان‌ دؤرد جاناوارا

نه‌ ائله‌سین‌ تکینه‌؟

جاناوارلار بیر آندا

سورویه‌ داراشدیلار

بئشین‌ بوغوب‌ دؤردون‌ ده‌

گؤتوردولر قاشدیلار

 

آمار وبسایت
کاربران آنلاین : 0
بازدید امروز : 30
بازدید دیروز : 148
کل بازدیدها : 4088791
:تاریخ بروز رسانی
شهریور ۲۴, ۱۳۹۶